Jahon iqtisodiyotining raqamlashuvi jarayonlari kuchayib borishi sharoitida kichik biznes subyektlarining raqamli texnologiyalardan foydalanish jarayonlarini takomillashtirishga oid qator izlanishlar olib borilmoqda. Raqamli texnologiyalardan samarali foydalanishda kichik biznes subyektlarining imkoniyatlari, mintaqaviy va global raqamli ta’minot zanjirlarida ishtirok etishlarini jadallashtirishi, har bir raqamli texnologiyaning samaradorligini tahlil qilish, iqtisodiyotni raqamlashtirish hamda kichik biznes subyektlari faoliyatida CRM (Customer Relationship Management), ERP (Enterprise Resource Planning), MES (Manufacturing Execution System), PLM (Product Life-cycle Management), MDM (Master Data Management), ERM (Enterprise Risk Management) kabi raqamli texnologiyalarni qo‘llash bilan bog‘liq masalalar bu borada amalga oshirilayotgan ilmiy tadqiqotlarning ustuvor yo‘nalishlaridan hisoblanadi.