Ҳозирги кунда жаҳон мамлакатларининг иқтисодий ривожланишига кичик бизнес субъектлари фаолиятини инновацион ривожлантиришнинг таъсири ортиб бормоқда. Иқтисодий ҳамкорлик ва ривожланиш ташкилоти маълумотларига кўра, “Европадаги кичик корхоналарнинг учдан бир қисми ўз инновацияларини ишлаб чиқмоқда: Швециянинг 55 %, Германиянинг 48 %, Финляндиянинг 40 % кичик корхоналари инновацион тавсифдаги кичик корхоналар ҳисобланади”1. Тадқиқотлар кўрсатадики, кичик бизнес (КБ) корхоналарининг илмий тадқиқотга қилинган сарфлари самарадорлиги йирик корхоналарга нисбатан тўрт баробар юқори”2. Иқтисодиётнинг барқарор ўсиш суръатларини таъминлаш, унинг экспорт салоҳиятини ошириш ва янги иш ўринлари яратиш КБ субъектлари фаолиятида инновацион фаолликни ошириш орқали инновацион ривожлантиришни талаб этмоқда.