Бугунги кунда олий таълимнинг энг асосий вазифаларидан бири замонавий таълимий-касбий дастур асосида юқори самарали таълим жараёнини ва малакали кадрлар тайёрлашни таъминлаш ҳисобланади. Ушбу ўқув қўлланмада «Касбий педагогика» курсининг фанлар тизимида тутган ўрни, мазмуни, мақсади ва вазифалари, касбий таълим педагогикаси қонуниятлари, касб таълими тамойиллари, касб-ҳунар таълимининг давлат таълим стандарти, ўқув жараёнида ўқитиш воситалари, замонавий педагогик технологиялар, талаба ёшларда маънавий-ахлоқий одатларни тарбиялаш вазифалари ва унинг имкониятлари кабилар ўрин олган.
Мазкур ўқув қўлланма Олий ўқув юртларининг ўқитувчи ва талабалари ҳамда магистрлари учун мўлжалланган бўлиб, бўлажак мутахассисларга олий таълим жараёнида ҳам илмий-назарий, ҳам амалий-педагогик технология асослари бўйича билим беради.
