Ўзбекистонда амалга оширилаётган иқтисодий ислохҳотларнинг ҳозирги босқичи кичик бизнес ва хусусий тадбиркорликни ривожлантириш, унга кенг иқтисодий эркинлик бериш билан тавсифланади. Бу борада жаҳон молиявий-иқтисодий инқирози хатарларига қарши чора-тадбирларни белгилаш, бу инқироз мамлакатимиз иқтисодиётига таъсир кўрсатиши мумкин бўлган ҳар қандай салбий оқибатларининг олдини олиш ва қарши курашиш, “2009-2012 йилларга мўлжалланган инқирозга қарши чоралари дастури”да белгиланган вазифалар муваффақиятли амалга оширилишини таъминлаш бугунги кунда барчамиз учун устувор вазифадир.
