Жаҳон тажрибалари кўрсатадики, акциядорлик жамиятларида корпоратив бошқарув тизими самарадорлигини ошириш, корпоратив бошқарув тамойилларини кенг жорий этиш, бошқарув фаолиятига халқаро стандартларни татбиқ этиш учун, аввало, корпоратив бошқарув механизмининг замонавий амалиётини ўрганиш асосий масалалардан бири бўлиб ҳисобланмоқда. Чунки, жаҳон иқтисодиёти глобаллашуви шароитида стратегик аҳамиятга молик тармоқларни модернизациялаш, техник-технологик янгилаш, акциядорлик жамиятлари фаолиятини корпоратив бошқариш самарадорлигини илмий-методологик асосларини такомиллаштириш муҳим аҳамият касб этади.
