Жаҳон андозалари талаблари даражасига жавоб берадиган арзон ва сифатли уй-жойлар билан таъминлашда ДХШ каби самарали механизмларни жорий қилиш, унинг ташкилий-ҳуқуқий асосларини такомиллаштириш, уй-жой қурилиши соҳасида ДХШ асосида корпоратив бошқарув механизмлари жорий қилишнинг илмий асосларини яратиш талаб этилмоқда. Шу жиҳатдан, хорижий тажрибалар асосида уй-жой қурилиши соҳасида ДХШни ривожлантириш ва самарадорлигини ошириш, корпоратив бошқарув механизмларини такомиллаштириш масалалари бугунги куннинг долзарб масалаларидан ҳисобланади.
