Мамлакатимизда енгил саноат соҳасининг самарали фаолият кўрсатиши, халқаро бозорларда рақобатбардош бўлиши ўз-ўзидан бошқарувнинг сифати, унинг амалий механизмларини замонавий талаблар асосида ташкил этилишига кўп жиҳатдан боғлиқдир. Шундай экан, иқтисодиётни модернизациялаш ва ишлаб чиқаришни диверсификация қилиш шароитида мамлакатимиз иқтисодиётининг муҳим қисми бўлган енгил саноат корхоналарида корпоратив бошқарувни такомиллаштириш, акциядорлик жамиятлари ривожланиш стратегиясини ишлаб чиқиш, акциядорлик
жамиятлари фаолияти самарадорлигини баҳолаш ва самарали ички назорат
тизимини шакллантириш, шунингдек, ички корпоратив меъёрий-ҳуқуқий
механизмларини такомиллаштириш ҳал этилиши кутилаётган долзарб
муаммолардан ҳисобланади.
