Дунё миқёсида транспорт хизматларининг ривожланиши миллий
транспорт хизматларининг ривожланишига туртки бўлмоқда. Транспорт
хизматлари ривожланиши барча соҳаларнинг тараққий этишига таъсир
кўрсатади. Жаҳонда ишлаб чиқариш ва халқаро савдонинг ҳаракатини
белгиловчи таркибий силжишлар жаҳон автомобиль транспорти соҳасида содир
бўлаётган ўзгаришлар билан бевосита боғлиқ. Автомобиль транспорти
корхоналарини иқтисодий таҳлил қилиш орқали ўрганиш бўйича замонавий
тадқиқотлар олиб бориш талаб этилиши ва бунга объектив эҳтиёжнинг
шаклланиши ушбу тадқиқотнинг жаҳон миқёсида бирдек долзарблигини
кўрсатади.
